«Арассыыйа» быыстапкаҕа Уһук Илин уонна Арктика күнэ ыытыллыаҕа

Бүгүн, тохсунньу 24 күнүгэр, ВДНХ-ҕа «Арассыыйа» быыстапкаҕа Уһук Илин уонна Арктика күнэ ыытыллыаҕа.

Ол курдук, РФ Бэрэсидьиэнэ Владимир Путин бэлиэтээбитинэн эрэгийиэннэр сайдыыларыгар туһуламмыт сиэссийэлэр, кэпсэтиилэр, лиэксийэлэр ыытыллыахтара.

  Уһук Илин уонна Арктика күнүн бырагыраамата хас да тиэмэлээх блоктан турар. РФ Бырабыыталыстыбатын бэрэссэдээтэлин солбуйааччы, РФ бэрэсидьиэнин боломуочуйалаах бэрэстэбиитэлэ Юрий Трутнев уонна Уһук Илини уонна Арктиканы сайыннарыы миниистирэ Алексей Чекунков, федеральнай былаас уорганнара, Уһук Илин уокурук губернатордара, улахан хампаанньалар салайааччылара үөрүүлээх быһыыга-майгыга пленарнай сиэссийэ арыллыытыгар кыттыыны ылыахтара.

Пленарнай мунньах кыттыылаахтара сиртэн хостонор баай, балыктааһын, логистика, ньиэп, гаас, тутуу, космос, туризм, Хотугу  муоранан айан суолун туһунан кэпсэтиэхтэрэ.  Күн устата ВДНХ-ҕа Уһук Илини уонна Арктиканы сайыннарыыга туһуламмыт тыа хаһаайыстыбатын, бырамыысыланнас, куорат инфраструктураларын туһунан саҥа бырайыактарга дуогабардар сөбүлэҥнэрин түһэрсиэхтэрэ.