ВИДЕО: Дьокуускайга эр киһи комиссионнай маҕаһыынтан бензопиланы уорбут

ИДьМ сулууспатын 1 №-дээх полициятын дьуһуурунай чааһыгар Чайковскай аатынан уулуссаҕа турар комиссионнай маҕаһыын атыыһыта 55 тыһ.солк. суумалаах бензопиланы уорбуттарын туһунан тыллаабыт.

Холуобунай ирдэбил үлэһиттэрэ суһал-ирдиир дьаһалларынан урут сууттана сылдьыбыт 59 саастаах Омскай уобалас олохтооҕун туппуттар.

Силиэстийэ быһаарыытынан, уорбаланааччы маҕаһыыҥҥа мобильнай төлөпүөнүн туттара сатаабыт да, үлэһиттэр төлөпүөнү тутартан аккаастаммыттар. Ити кэннэ хара санаалаах эр киһи тахсан иһэн, атыыһыт көрбөтүнэн туһанан, стеллажтан бензопиланы кыбынан тахсыбыт. Уорбут малын эр киһи ааһан иһэр билбэт киһитигэр атыылаабыт уонна ылбыт харчытын тус наадатыгар туһаммыт. Холуобунай дьыала тэрилиннэ. Буруйданааччы  2 сылга диэри болдьоххо көҥүлэ быһыллыан сөп. Бу туһунан ИДьМ пресс-сулууспата суруйар.