видеоттан скриншот
Дьокуускай куорат Суол инфраструктуратын уонна тырааныспарын департаменын салайааччыта Эдуард Садовников социальнай ситимнэринэн киирбит дьон-сэргэ ыйытыыларыгар хоруйдаата. Сүрүн болҕомто — куорат сылаас тохтобулларын үлэтигэр уурулунна.
Чааһынай тохтобулларга ким эппиэттиирий?
Куоракка билигин 20-тэн тахса чааһынай сылаас тохтобул баар. Кинилэр дьоҕус эргиэн эбийиэктэрин быһыытынан үлэлииллэр, онон кинилэри туруоруу дуогабара уокуруктар дьаһалталарын кытта түһэрсиллэллэр. Тохтобул хаһаайыттара оптуобус сылдьар кэмигэр тохтобулу хайаан да аһаҕас тутуохтаахтар.
«Дьонтон киирбит үҥсүүлэри, бэлиэтээһиннэри барытын көрөбүт уонна управалары кытта бииргэ үлэлэһэн итэҕэстэри туоратабыт. Онон чааһынай тохтобул үлэтигэр итэҕэстэри (сабыылаах турарын, кирдээҕин) көрдөххүтүнэ, хайаан да биллэриҥ, исписэлиистэр тута дьаһаныахтара», — диэн бэлиэтээтэ Эдуард Садовников.
Куорат дьаһалтата бэйэтин муниципальнай сылаас тохтобулларын ахсаанын сылтан сыл элбэтэр. Быйыл 13 саҥа эбийиэк тутулла турар. Бу тохтобулларга уот ситимэ холбоннохторуна, тута дьон туһанарыгар аһыллыахтара.
Муниципальнай сылаас тохтобуллар өрөбүлэ суох, бырааһынньык да күннэргэ күн аайы сарсыарда 06:00 чаастан киэһэ 23:00 чааска диэри үлэлииллэр. Тохтобуллар өрөмүөннэрин уонна ыраас, бэрээдэктээх буолууларын анал дуогабардаах тэрилтэ хонтуруоллуур.
Саха сирин Ил Дархана Айсен Николаев Наука академиятын Төрөөбүт тылы үөрэтэр, харыстыыр уонна сайыннарар киинин…
Саха сиригэр социальнай суолталаах табаары сылы быһа хааччыйар улахан оператор, «Арктикатааҕы эргиэн-логистика хампаанньата” АУо бүтэһик…
Алтынньы 27 күнүгэр «Биир ньыгыл Арассыыйа» баартыйа Киин ситэриилээх кэмитиэтигэр «Арассыыйа күүһэ» Бүтүн Арассыыйатааҕы спортивнай…
Социальнай ситимнэринэн Амма улууһугар таас чох тиийбэккэ, ититиини биэрии кэмин үлэтэ харгыстанар кутталлааҕын туһунан сурах…
«Профессионалитет» федеральнай бырайыак «Ыччат уонна оҕолор» национальнай бырайыак чэрчитинэн ыытыллар. Бу бырайыагынан Мэҥэ Хаҥалас улууһун…
Бу күннэргэ ый кыччыыр кэмэ саҕаламмыта. Сахалыы «фэн-шуй» сүбэтинэн, бу кэмҥэ бөхтөн-сахтан босхолонуохтаах эбиппит. Уот…