«Биир ньыгыл Арассыыйа» баартыйа пресс-сулууспата
Алтынньы 27 күнүгэр «Биир ньыгыл Арассыыйа» баартыйа Киин ситэриилээх кэмитиэтигэр «Арассыыйа күүһэ» Бүтүн Арассыыйатааҕы спортивнай марафон тэрийэр кэмитиэтин мунньаҕа буолан ааста. Манна бэһис үбүлүөйдээх марафон түмүгүн таһаардылар уонна дойду саамай бастыҥ хамаандаларын ааттаатылар.
Быйылгы күрэхтэһии түмүгүнэн, дойду үрдүнэн 400-тэн тахса үлэ кэлэктиибин куотан, Саха сиринээҕи «Сахатранснефтегаз» национальнай гаас хампаанньатын хамаандата «Арассыыйа бастыҥ спортивнай үлэ хамаандата» диэн үрдүк ааты ылла!
Ону таһынан хампаанньа үс үлэһитэ Арассыыйа саамай бастыҥ 100 кыттыылаахтарын кэккэтигэр киирдилэр. Оттон Саха сиринээҕи баартыйаны өйөөччүлэр эрэгийиэннээҕи сэбиэттэрэ дойду уон бастыҥын иһигэр киирдэ.
Кыайыылаахтар биир быраабыланан марафон тэрийэр кэмитиэтин чилиэннэрин бэйэлэрин эрэгийиэннэригэр ыҥырар кыахтаахтар. Ол курдук, «Сахатранснефтегаз» спортсменнара Арассыыйа Дьоруойун, Олимпийскай оонньуулар үс төгүллээх чөмпүйүөнүн, тэрийэр кэмитиэт бэрэссэдээтэлин Александр Карелины Саха сиригэр ыҥырдылар. Биллэрин курдук, биллиилээх спортсмен бу ыҥырыыны биһирээн, эрдэттэн сөбүлэһэрин биллэрдэ.
«Арассыыйа күүһэ» марафон муус устартан алтынньыга диэри ыытылынна. Быйылгы бырайыакка 2 мөлүйүөнтэн тахса киһи кытынна, 10 тыһыынчаттан тахса тэрээһин буолла. Судаарыстыбаннай Дуума дьокутаата Ольга Занко бэлиэтииринэн, марафон кыттыылаахтара уопсайа 2,3 миллиард хардыыны оҥорбуттар — бу Сир шаарын экваторунан 40 төгүл эргийбиккэ тэҥнэһэр!
«Биһиги гаас хампаанньатын спортивнай хамаандатынан киэн туттабыт. Өрөспүүбүлүкэ кэлэктиибэ маннык улахан таһымҥа кыайыыта — Саха сиригэр маассабай физкултуураҕа уонна успуорка судаарыстыба, тэрилтэлэр ыытар бэлиитикэлэрэ таһаарыылаахтык үлэлиирин туоһулуур», — диэн эттэ баартыйаны өйөөччүлэр сэбиэттэрин бэрэссэдээтэлэ, Ил Түмэҥҥэ «Биир ньыгыл Арассыыйа» фракциятын салайааччыта Алексей Колодезников. Бу туһунан «Биир ньыгыл Арассыыйа» баартыйа пресс-сулууспата суруйар.
Марафон тэрийэр кэмитиэтэ Успуорт министиэристибэтигэр, Идэлээх сойуустар федерацияларыгар уонна «Нефтегазстройпрофсоюз» салаатыгар тэрийиигэ көмөлөрүн иһин махтал тылларын эттэ.
«Мин доруобуйам туругунан (уопсай ыарыынан) быраас түмүгүнэн хамнаһа кыра атын үлэҕэ көһөрөллөрүгэр сөбүлэстим. Үлэ биэрээччи:…
Өрөспүүбүлүкэтээҕи суһал ыстаап анал байыаннай дьайыыга сылдьар Саха сирин байыаннайдарын эбии тэрилинэн хааччыйар үлэтин былаан…
Саха сиригэр саҥа уһуйааннары тутуу уонна саҥардыы салҕанар. Ураты болҕомто муниципальнай улуустарга оскуола иннинээҕи саастаах…
Алтынньы 27 күнүгэр киэһэ 19:41 чааска Бүлүү улууһун Кыһыл Сыыр бөһүөлэгэр Пионерскай уулуссаҕа чааһынай гараас…
Саха сирин Ил Дархана Айсен Николаев Наука академиятын Төрөөбүт тылы үөрэтэр, харыстыыр уонна сайыннарар киинин…
Саха сиригэр социальнай суолталаах табаары сылы быһа хааччыйар улахан оператор, «Арктикатааҕы эргиэн-логистика хампаанньата” АУо бүтэһик…