ВИДЕО: Ыйы быһа куораты биир гына кэрийбит саһылы туттулар

Дьокуускайга ыйы быһа куораты биир гына кэрийбит саһылы туттулар. Бу туһунан бүгүн, алтынньы 16 күнүгэр, «Зоополис» мини-зоопаарка телеграм-ханаалыгар суруйдулар.

Бу саһылы балаҕан ыйын саҕаланыыта Лермонтов уулуссатыгар, «Туймаада» стадиоҥҥа, онкодиспансер территориятыгар, 202-с микро-түөлбэ даамбатын таһыгар сылдьарын олохтоохтор хаста да көрбүттэрэ. Кыылы ловушкаларынан тута сатаабыттара да, куота турар этэ.

«Зооополис» үлэһиттэрэ албын саһылы тутаары сүүрбэттэн тахсата кырыммыттар, ол эрээри куруук сатаан туппаттар эбит. Онтон илим ситиминэн кыылы төгүрүйэннэр, дьэ туппуттар.

Күүлэйдьит саһыл зоопарка иитиллээччитинэн хаалбыт, манна кини алтыс саһыл эбит.