Вишневскай госпиталыгар байыастарга Саха сириттэн кэһиилэри тиэртилэр

РФ Бэрэсидьиэнин иһинэн Саха сирин Бастайааннай бэрэстэбиитэлистибэтин үлэһиттэрэ А.А.Вишневскай аатынан Киин байыаннай госпиталга сырыттылар. Кинилэр байыаннай сулууспалаахтарга өрөспүүбүлүкэттэн баһыылкалары уонна кэһиилэри тиэртилэр.

“Биһиги уолаттарбыт Саха сириттэн кэлбит кэһииттэн уонна истиҥ көрсүһүүттэн үөрдүлэр”, — диэн Саха сирин бастайааннай бэрэстэбиитэлин солбуйааччы Мария Сафонова уонна социальнай боппуруостарга уонна уопсастыбаны кытта сибээһи сайыннарыыга управлениетын салайааччыта Вера Свешникова кэпсииллэр.

Госпиталь кылаабынай бырааһын солбуйааччы Роман Зенин бэлиэтииринэн, Саха сирэ куруук көмөлөһөр эрэгийиэннэртэн биирдэстэрэ буоларын бэлиэтээтэ уонна өрөспүүбүлүкэ баһылыгар Айсен Николаевка уонна РФ Бэрэсидьиэнин иһинэн Саха сирин бастайааннай бэрэстэбиитэлигэр, Биир кэлим сүрүннүүр киин салайааччытыгар Андрей Федотовка махтанна.