Аан дойдуга ядернай сэрии суоһуур кутталлаах, ол эрээри Арассыыйа хаһан даҕаны бастакынан бу сэрии сэбин туһаныа суоҕа диэн иһитиннэрдэ РФ бэрэсидьиэнэ Владимир Путин Уопсастыба уонна киһи быраабын сэбиэтин бэҕэһээҥҥи мунньаҕар.
— Ядернай сэрии туһунан ыйыттыгыт. Кырдьык, билигин аан дойду үрдүнэн бу сэрии сэбин таһаарыы суоһуур кутталлаах. Ол эрээри Арассыыйа хаһан даҕаны, ханнык да түгэҥҥэ бастакынан, иккиһинэн туһаныа суоҕа. Тоҕо диэтэргин, бу сэрии сэбин атыттар биһигини утары туһаналлара хааччахтаах. Өскөтүн тас дойдуттан ядернай сэрии сэбэ биһиги диэки туһаайылынна, туһанылынна да, биһиги тута кинилэргэ хардарабыт. Онон биһиэхэ бу сэрии сэбэ дойдубутун көмүскүүр эрэ сыаллаах туһаныллар, — диэн иһитиннэрэр Владимир Владимирович.
Бэрэсидьиэн бэлиэтииринэн, тас дойдулар, чуолаан Америка Холбоһуктаах Штаттара, бэйэлэригэр эрэ буолбакка, атын дойдуларга эмиэ ядернай сэрии сэбин тутан олороллор.
— Билигин аан дойдуга тактическай ядернай сэрии сэбин туһунан үгүстэ кэпсэтэллэр. Америка ядернай саатын-саадаҕын билигин Европа үгүс дойдутугар тарҕатан олорор. Кэмиттэн кэмигэр анал үөрэтиилэри ыытар. Итиннэ холоотоххо биһиги бэйэбит ядернай сэриибит сэбин ханна да таһаарбаппыт, биэрбэппит, ол эрээри, манна бэлиэтээн этиим, биир санаалаах дойдуларбытын, наада буоллаҕына, туох баарбытынан көмүскүөхпүт. Биһиги сэриибит сэбэ ханнык да дойдулардааҕар күүстээх уонна аныгы үйэ сиэринэн бары ирдэбиллэргэ эппиэттиир. Онон ядернай сэрии сэбэ диэн тугун сүрдээх үчүгэйдик билэбит, ол иһин атыттары буойар-хаайар эрэ сыаллаах тутан олоробут, — диэн этэр кини.
Бүгүн Хаҥалас улууһун Покровскай куоратыгар икки ыйдаах ыраастааһын тэрээһинин уонна уу эбийиэктэрин харыстааһын чэрчитинэн субуотунньук…
Дьокуускай куорат 10-с №-дээх оскуолатын үөрэнээччилэрэ карате-киокусинкайга аан дойдутааҕы күрэхтэһиигэ кыттыахтара диэн СӨ Баһылыгын уонна…
Турция Өрөспүүбүлүкэтин киин куоратыгар Анкараҕа ыам ыйын 5 күнүгэр Кыайыы күнүн көрсө “Өлбөт үйэлээх полк”…
Бүгүн, ыам ыйын 6 күнүттэн, Саха сиригэр «Өлбөт үйэлээх полк» аахсыйа саҕаланна диэн СӨ Бырабыыталыстыбатын…
Бүтүн Арассыыйатааҕы "Тиэргэнинэн ыллыыбыт" аахсыйа чэрчитинэн, ыам ыйын 6 күнүгэр Дьокуускайга олорор сэрии бэтэрээннэрин эҕэрдэлээтилэр.…
Улуу Кыайыы 79 сылын туолар үөрүүлээх күнэ чугаһаан иһэр. Аҕыйах хонугунан Кыайыы күнүн, эйэлээх олох…