Волонтердар Граф Биэрэгэр үлэлээтилэр

Бэҕэһээ  СӨ ыччат дьыалаларыгар уонна социальнай коммуникацияҕа министиэристибэтин көҕүлээһининэн, Айыллаан Винокуров салайааччылаах Саха сирин волонтердарын этэрээтэ Нам улууһун  Граф Биэрэгэр үлэлээтэ.

60-тан тахса волонтер соҕотоҕун олорор, халаан уутуттан улаханнык эмсэҕэлээбит 15 ыалга көмөлөстө.

Кыргыттар дьиэлэр истэрин ыраастаатылар. Маны сэргэ киин уулуссаны бөхтөн босхолооһуҥҥа күүстээх үлэ барда.

Бу курдук эдэрдии эрчимнээх волонтер оҕолорбут халаан уутун содулун туоратыыга бэйэлэрин улахан кылааттарын киллэрэллэр.

Көхтөөх ыччакка улахан махталбытын тиэрдэбит диэн улуус дьаһалтатын пресс-сулууспата иһитиннэрдэ.