Волонтердар байыастарга көмөлөһөллөр

«Кыайыыны уһансыбыттар сиэннэрэ» («Внуки победителей») киин волонтердара Дьокуускай куорат олохтоохторун уонна ыалдьыттары байыастарга анаан оңорор сиэккэни бэлэмнииргэ ыҥыраллар.

Бу киин быйыл ыам ыйын 20 күнүгэр тэриллибит. Биһиги бары биир дойдулаахтарбытыгар, байыастарга, көмөлөһөр сыаллаах-соруктаах түмсэбит диэн суруйаллар А.Е.Кулаковскай-Өксөкүлээх Өлөксөй аатынан норуоттар доҕордоһууларын дьиэтигэр кииҥҥэ түмсээччилэр.

Кинилэр сиэккэлэри бэлэмнииллэрин, суумкалары уонна бааһырбыт байыастарга анаан сыттыктары тигэллэрин, эми-тому о.д.а. наадалаах малы-салы атыылаһалларын киин бэрэстэбиитэлэ Галина Шишкина кэпсиир. Ким баҕалаах көмөлөһө кэлэригэр ыҥырар.

Көмөлөһүөн баҕалаахтары Дьокуускайга А.Е.Кулаковскай аатынан норуоттар доҕордоһууларын дьиэтигэр күүтэллэр.