Ыал буолбут 1000-тан тахса эдэр ыаллар 50-нуу тыһ.солк. төлөбүр ылбыттар

Саха сиригэр 1030 эдэр ыал олохторун холбуурга регистрацияны ааһан 50 тыһ.солк. төлөбүр ыллылар. Маннык төлөбүр Саха сиригэр бу сыл тохсунньу ыйыттан бэриллэр.

Төлөбүрү ыларга сорох ирдэбиллэргэ сөп түбэһиэххэ наада. Ол курдук, кэргэнниилэр 25 саастаах буолуохтаахтар, иккиэн Саха сиригэр олоруохтаахтар, оттон ыал буолуу регистрациялааһына 2024 сыл тохсунньу 1 күнүттэн ааҕыллар. Ону таһынан бастакытын ыал буолуута буолуохтаах.

Төлөбүрү анааһын туһунан сайабылыанньа Нэһилиэнньэ социальнай көмүскэлин управлениетыгар электроннай көрүҥүнэн бэриллэр. Дьиэ кэргэттэр регистрацияланан баран, сыл аҥаарын устата биир кэмнээх төлөбүрү ылыахтарын сөп.