Үөһээ Бүлүү улууһугар чэпчэки сыаналаах бородууксуйаны аҕалан тарҕаттылар

Үөһээ Бүлүү улууһугар эрдэ сайаапка биэрбит 10 нэһилиэккэ тыа хаһаайыстыбатыгар көмө быһыытынан, сылгы, ынах, сибиинньэ, дьиэ көтөрө эбии аһылык буолар, ону тэҥэ нэһилиэнньэҕэ ас бородууксуйатын чэпчэки сыанаҕа сакаастаабыттара кэллэ.

Тиэйэн аҕалыы бородууксуйа сыанатыгар киирэ сылдьар буолан, нэһилиэктэринэн тириэрдии босхо буолла. Ол курдук бэҕэһээ сакаастаныллыбыт таһаҕаһы тиэйэн аҕалан, Маай, Боотулуу, Ороһу, Балаҕаннаах, Нам, Хоро, Хомустаах, Кырыкый, Мэйик, Сургуулук, Андреевскай нэһилиэктэригэр тиксэрдилэр.

Уопсайа 920 тыһыынча суумаҕа 22 туонна кэриҥэ бородууксуйа тиэллэн кэлэн, нэһилиэктэринэн тарҕатылынна диэн Үөһээ Бүлүү улууһун дьаһалтатын пресс-сулууспата иһитиннэрэр.