Үөһээ бүлүүлэр Нам улууһугар көмөлөһөллөр

Сааскы халаантан улаханнык эмсэҕэлээбит Нам улууһугар өрөспүүбүлүкэ бүттүүнэ көмөҕө турунна.

Бу күннэргэ Үөһээ Бүлүү улууһун урбаанньыттара Нам улууһугар сааскы халаантан эмсэҕэлээбиттэргэ гуманитарнай көмөнү хомуйууну саҕалаатылар. Бүгүн «Үс хоһуун» успуорт комплексыгар тэриллибит көмөнү хомуйуу пуунугар аһынан-үөлүнэн уонна күннээҕи олоххо туттар хаһаайыстыбаннай нобуордарынан ИП Варвариков Л.А, «Мааппа» маҕаһыын, ИП Афанасьева А.А., ону сэргэ бэйэлэрэ дьарыктаах дьон: А.А. Томская, П.Н. Новгородова, Д.А. Копыленко, А.В. Николаева көмөлөстүлэр.

Үөһээ Бүлүү улууһун Уопсастыбаннай балаатата «Мин биисинэһим» киин сэбиэдиссэйигэр Мария Александроваҕа уонна үтүө дьыаланы оҥорбут биир дойдулаахтарыгар махталларын биллэрэллэр.

Улууска гуманитарнай көмөнү хомуйуу салҕанар.