Үөрэх кыһатын бүтэрээччи 95%-на Саха сиригэр үлэлии хаалар

Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар, оттон Ленинград уонна Курган уобаластарын, ону тэҥэ Адыгея  ыччаттара үөрэхтэрин бүтэрэн баран, үгүстүк атын сиргэ  бараллар. Бу туһунан РФ бырабыыталыстыбатын бэрэссэдээтэлин солбуйааччы Татьяна Голикова эттэ диэн ТАСС иһитиннэрэр.

«Университеттары бүтэрбит дьон үксүлэрэ  олоро уонна үлэлии хаалар эрэгийиэннэринэн Саха сирэ (95,28%), Тыва Өрөспүүбүлүкэтэ (92,18%), Камчатскай кыраай (90,75%), Запорожскай уобалас (89,3%), Дагестан (88,13%) буолаллар, оттон Ленинградскай уобалас (37,84%) , Адыгея  выпускниктара (37,49%)  хаалаллар», — диэн Татьяна Голикова Бүтүн Арассыыйатааҕы каадыр пуорумугар бэлиэтээтэ.

Кини бырабыыталыстыба устудьуоннары кытта күүстээх үлэни уонна үлэ биэрээччи, үөрэх тэрилтэтин сыһыаннарын бөҕөргөтүүнү эрэгийиэннээҕи тэҥэ суох буолууну туоратыыга сүрүн ньыма быһыытынан көрөрүн эттэ.

«Үүнэр көлүөнэ – өрөспүүбүлүкэ эрэ буолбакка, дойду инникитэ. Биһиэхэ үрдүк үөрэҕи уонна идэҕэ бэлэмнээһини сайыннарыыга сыһыаннаах бырагыраамалар элбэхтэр. Биһиги ыччат субсидиялаах куортамынан эрдэттэн ылыан сөптөөх дьиэлэри тутабыт, талааннаах, кэскиллээх учуонайдары өйүүбүт», — диэн  Айсен Николаев эрдэ этэн турар.

Сиһилии: https://www.sakha.gov.ru/news/16628