Үөрэнээччилэр биисинэс-былаһааккаланнылар

В.Д.Лонгинов аатынан Атамай оскуолатыгар оҕолор биисинэс-былаһааккалара арылынна.

Горнай улууһугар Атамайга үөрүүлээх быһыыга-майгыга «Среда возможностей» диэн ааттаах тэриллибит оҕолор биисинэс-былаһааккаларын арыллыыта буолла. Анал хос саҥа логотиптаах, ыйанар суруктаах, оҕолор баҕаларын учуоттаан ылыллыбыт, толору профессиональнай тэрилинэн хааччыллыбыт. Ол иһигэр попкорн, спиральнай чипсы, фри оҥорор аппарааттар, анал хатарар оһохтор, элбэх функциялаах быысапкалыыр массыына, маникюр уонна баттах оҥорор өҥөлөрү оҥорор салон тэрилиннэ.

Үөрүүлээх күнүнэн нэһилиэк баһылыга Айсен Павлов, оскуола дириэктэрэ Мотрена Ефремова, бырайыак ааптара Татьяна Павлова оҕолорго баҕа санааларын, махталларын тиэртилэр. Бу күн оскуола биисинэс-инкубаторын резиденнэрин бородууксуйатын быыстапката турда, бырайыакка үлэлэһэр кылаастары кытары сөбүлэҥ түһэрсилиннэ.

Бырайыак чэрчитинэн, сыл устата бырайыак партнердарын кытары оҕолор тустарыгар диэн элбэх үлэ ыытыллыа.

Татьяна Павлова,

Атамай, Горнай.

Ааптар хаартыскаларга түһэриитэ.