Хаартыска: Ил Түмэн пресс-сулууспата
«Мин доруобуйам туругунан (уопсай ыарыынан) быраас түмүгүнэн хамнаһа кыра атын үлэҕэ көһөрөллөрүгэр сөбүлэстим. Үлэ биэрээччи: “Урукку үлэҕинэн орто хамнаһыҥ биир эрэ ый устата төлөнүөҕэ”, — диэн сэрэттэ. Бу сокуоннай дуо?»
Саха сиринээҕи Идэлээх Сойуустарын федерацияларын быраапка иниспиэксийэтин салайааччыта, Саха Өрөспүүбүлүкэтин үтүөлээх юриһа Наталья Барковская хоруйдуур:
— РФ Үлэ кодексатын 73-с ыстатыйатынан, үлэ биэрээччи быраас түмүгүнэн атын үлэҕэ көһөрүллүөхтээх үлэһити, кини бэйэтэ суругунан сөбүлэҥин биэрдэҕинэ, хайаан да көһөрүөхтээх. Манна болҕойуҥ: ыалдьыбыт туһунан больничнай илиис маннык түмүгүнэн ааҕыллыбат.
Оттон Үлэ кодексатын 182-с ыстатыйатыгар этиллэринэн, үлэһит быраас түмүгүнэн бу тэрилтэҕэ хамнаһа кыра атын үлэҕэ көстөҕүнэ, кини урукку үлэтинэн орто хамнаһа көспүт күнүттэн биир ый устата оннунан хаалар.
Ол эрээри, үлэһит үлэтигэр дэҥнэнэн эбэтэр идэтиттэн сылтаан ыалдьан хамнаһа кыра үлэҕэ көһөрүллэр буоллаҕына, кини орто хамнаһа үлэлиир кыаҕын букатыннаахтык сүтэрэригэр эбэтэр үтүөрүөр диэри төлөнөр.
Эһиги ыйытыыгытыттан «уопсай ыарыынан» атын үлэҕэ көспүккүт. Онон, маннык түбэлтэҕэ урукку орто хамнаскыт көспүт күҥҥүтүттэн биир эрэ ый устата оннунан хаалара — сокуоҥҥа сөп түбэһэр. Үлэ биэрээччигит сөпкө эппит.
Арассыыйа Бэрэсидьиэнэ Владимир Путин куораттары сайыннарыыга уонна тупсарыыга аналлаах мунньах түмүгүнэн дьаһаллары бигэргэттэ. Бу дьаһаллар…
РФ Дьоруойа Александр Находкин Дьокуускай куорат устудьуоннарын уонна оскуола үөрэнээччилэрин кытта патриотическай көрсүһүүлэрин саҕалаата. Бастакы…
Алтынньы 24 күнүн киэһэтиттэн саҕалаан сэтинньи 13 күнүгэр диэри куйаарга Ретрограднай Меркурий кэмэ. Астрологтар сэрэтэллэр:…
Алтынньы 31 күнүгэр Дьокуускайга анал байыаннай дьайыыга сылдьан өлбүт байыас Андрей Георгиевич Исаков («Кречет» позывнойдаах)…
Ахсынньы 9 күнүгэр диэри Арассыыйа 45 эрэгийиэнигэр Бүтүн Арассыыйатааҕы патриотическай пуорум эрэгийиэннээҕи бырагыраамата ыытылла турар.…
Өрөспүүбүлүкэтээҕи суһал ыстаап анал байыаннай дьайыыга сылдьар Саха сирин байыаннайдарын эбии тэрилинэн хааччыйар үлэтин былаан…