«Ыраах олорорбут харгыс буолбат»

Беларусь Өрөспүүбүлүкэтин Бэрэсидьиэнэ Александр Лукашенко Ил Дархан Айсен Николаевка бииргэ үлэлиир интэриэстээхтэрин бэлиэтээн туран махтанна. «Ыраах олорорбут харгыс буолбат», — диэтэ кини.

—Биһиги бииргэ үлэлээһиммит экэниэмикэ эрэ боппуруоһунан хааччахтаныа суохтаах.  Бу гуманитарнай бииргэ үлэлээһин, бу спортивнай күрэхтэһии эмиэ, — диэн этэр кини.

А.Г.Лукашенко Саха сирин олохтоохторо успуорду, күрэхтэһиини олус сөбүлүүллэрин бэлиэтии көрөрүн этэр. Ону сэргэ, эһиги Европаҕа, Азияҕа сайдар успуорт көрүҥнэрин эмиэ сэргиигит диэн бэлиэтиир. Итиэннэ элбэх араас көрүҥҥэ күрэхтэһэр кыах баарын, онуоха Саха сирин спортсменнара, тириэньэрдэр национальнай успуорт көрүҥнэригэр үөрэтэллэрэ наадатын этэр.  Итинтэн сиэттэрэн кини Саха сиригэр ыытыллыбыт  «Азия оҕолоро» норуоттар икки ардыларынааҕы күрэхтэһиигэ куһаҕана суохтук кыттыбыттарын аҕынна. Маны таһынан, култуура хайысхатыгар бииргэ үлэлээһин эмиэ улахан суолталааҕын ыйар. Итиэннэ икки өртүттэн сэргиир, сэҥээрэр хайысхалары сайыннарарарга ыкса үлэлэһэри эрэннэрдэ.

Айсен Сергеевичка Беларусь Өрөспүүбүлүкэтин кытта бииргэ үлэлэһэр интэриэстээхтэригэр махтанна. «Бүгүн бары хайысхаларынан тугу кэпсэппиппит, дуогабардаспыппыт болдьоҕор толорулларыгар эрэннэрэбин», — диэтэ А.Лукашенко.