Бэҕэһээ, сэтинньи 13 күнүгэр, Анаабыр улууһун Үрүҥ Хайа бөһүөлэгэр «Үрүҥ көмүс хатырыктаах – 2022» диэн үгэс буолбут мууһу аннынан балыктааһын күрэҕэ ыытылынна.
Төһө да тыаллаах, буурҕалаах күн турдар, күрэхтэһээччилэр илимнэрин көрөн, бултаммыт балыктарын байыаннай эпэрээссийэҕэ кытта сылдьар биир дойдулаахтарыгар анаан туттарбыттар.
Икки күннээх уопсай күрэхтэһиигэ кыттааччылар илимнэрин үтэн, булт туһунан викторинаҕа кыттан, дуобаттаан, ох саанан ытан, тоҥ балык кыһыытыгар кытаанах киирсиилэр буолбуттар. Ол курдук нэһилиэк аҕа баһылыга Егор Спиридонов бэйэтинэн холобур буолан, олохтоох дьаһалта аатыттан «Алмаз” диэн хамаанда тэринэн быйыл саҥа киирбит алаҥаанан ытыы (ох саа) көрүҥэр Ньургун Романовтыын үчүгэй ытыылары оҥорбуттар. Күрэхтэһии түмүгүнэн, балык тутуутугар Петр Неустроев МПЧ хамаандата бастакы миэстэни ылбыт, күрэхтэһии многоборьетыгар олохтоох дьаһалта “Алмаз” хамаандата бастаабыт. “Тууччах -2022” сыл диэн анал сүрүн бирииһи МПЧ хамаандата ылан кыайыылааҕынан тахсыбыт. Кыайыылаахтарга уонна кыттааччыларга АИ 92 уматыгынан, эрэһиинэ оҥочо, бензопила, булт тэриллэринэн наҕараадаламмыттар. Күрэхтэһиигэ култуура киинин үлэһиттэрэ итии үүттээх чэй, кофе, алаадьы аҕалан бар дьону күндүлээбиттэр.
Үрүҥ Хайа бөһүөлэк тус архыыбын хаартыскалара туһанылыннылар.
Арассыыйаҕа Дьиэ кэргэн уонна Саха сиригэр Оҕо саас сыла Ньурбаҕа бэлиэ түгэнинэн саҕаланна. Ыам ыйын…
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ. “Патриотизм төрөөбүт дойдуга, дьиэ кэргэҥҥэ…
“Улуу Арыйыылар аартыктарынан” («По пути Великих свершений») бырайыак чэрчитинэн Нуучча Географиятын уопсастыбатын (РГО) Саха сиринээҕи…
Уһун кыһынтан, дьиэҕэ олорортон хал буолбут Саха сирин олохтоохторо ыам ыйыгар айылҕаҕа талаһабыт, аймахтар, доҕоттор…
Бүгүн, ыам ыйын 4 күнүгэр, Арассыыйатааҕы көҥүл тустууга чөмпүйэнээт түмүк күнүгэр, көбүөргэ саха спортсмена Уйгулаан…
Саха сиринээҕи силиэстийэлиир кэмитиэт управлениета бүгүн, ыам ыйын 4 күнүгэр, киин куорат Хабаров аатынан уулуссаҕа…