Салгыы
До выборов президента РФ
00 дней
:
00 часов
:
00 минут
:
00 секунд
Юрий Трутнев Кировскай куоракка чөлүгэр түһэрии үлэтин билистэ

Юрий Трутнев Кировскай куоракка чөлүгэр түһэрии үлэтин билистэ

Ааптар:
27.10.2023, 16:09
Хаартыска: https://www.sakha.gov.ru/news/
Бөлөххө киир:
Бу күннэргэ РФ Бырабыыталыстыбатын бэрэссэдээтэлин солбуйааччы – Уһук Илин Федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев  Донецкай Норуодунай Өрөспүүүбүкэҕэ сэргэ Кировскай куоракка чөлүгэр түһэрии үлэтэ хайдах-туох бара турарын көрдө-иһиттэ. Саха сирэ Кировскай куораты чөлүгэр түһэрии үлэтин ыыппытта ыраатта.
 
Санатар буоллахха, быйыл Саха сирэ бэйэтин күүһүнэн 29 эбийиэк былааннаммытыттан 27-тин үмүрүппүт. Ол курдук, 6 км уһуннаах суолга сырдатыы ыытыллыбыт, 10 уулусса аспаалламммыт, үс оҕо саадын сарайа уларытыллыбыт. Элбэх хайысхалаах кииҥҥэ, бибилэтиэкэҕэ, мусукаалынай оскуолаҕа, куораттааҕы киин балыыһаҕа араас хабааннаах өрөмүөн үлэлэрэ ыытыллыбыт. 1 №-дээх  оскуола өрөмүөнэ үмүрүтүллүбүт, 2 №-дээх оскуола тас тэлгэһэтин тупсарыы түмүктэнэн эрэр.
Кировскайга кэлэр сыллааҕы үлэ былаана бигэргэниллибит. Ол курдук, барыта 46 эбийиэккэ тустаах үлэлэр ыытыллыахтаахтар. Холобур, элбэх кыбартыыралаах аҕыс дьиэ, 16 №-дээх оҕо саада, мусукаалынай оскуола, ОДьКХ 4 эбийиэгэ өрөмүөннэниллиэхтэрэ. Ону тэҥэ, 12 уулуссаҕа сырдатыы үлэтэ барыа, 10 уулусса аспаалланыаҕа.
Юрий Трутнев эбийиэктэргэ үлэ хаамыытын бэрэбиэркэлээтэ. Билигин «Победа» култуура уонна сынньалаҥ  пааркатын тупсарыы барар. Паарка сирэ-уота барыта саҥардылынна.  Сатыы сылдьарга аналлаах зона, бэлэсипиэт ыллыктара эбии оҥоһуллан бэрилиннилэр.

«Саҥа сир-уот – бу биһиги дойдубут сорох чааһынан буолар. Донбааһы чөлүгэр түһэриигэ тыһыынчанан киһи үлэлии сылдьар, кинилэр ортолоругар  тутааччылар, хомунаалынай хаһаайыстыба үлэһиттэрэ, быраастар, учууталлар, волонтердар бааллар.  Биһиги бары биир санаанан салайтаран үлэлии сылдьабыт. Туох баар үлэ барыта кыраапык быһыытынан барар. Кыраапыктан хаалыы диэн суох. Хас биирдии эрэгийиэн эппиэтинэстээх үлэлиир. РФ Бэрэсидьиэнэ Владимир Путин ылыммыт соруга барыта олоххо киириэхтээх», – диэн Юрий Трутнев санаатын эттэ. Билигин Уһук Илин уокуруктан барыта 11 эрэгийиэн чөлүгэр түһэрии үлэтигэр кыттыһар.

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
27 февраля
  • -29°C
  • Ощущается: -29°Влажность: 68% Скорость ветра: 1 м/с

Сообщить об опечатке

Текст, который будет отправлен нашим редакторам: