Ил Дархан Айсен Николаев бүгүн, парламент пленарнай мунньаҕын иннинэ, Ил Түмэн салалтатын, бастайааннай кэмитиэттэр бэрэссэдээтэллэрин, бэлитиичэскэй фракциялар салайааччыларын кытары көрүстэ. Пленарнай мунньахха өрөспүүбүлүкэ 2023 уонна 2024,2025 сыллардааҕы бүддьүөтэ көрүллүөхтээх.
Өрөспүүбүлүкэ баһылыга норуот дьокутааттарыгар, бастатан туран, сөбүлэһиннэрэр хамыыһыйалары кытары сүҥкэн үлэни ыыппыт бүддьүөт кэмитиэтин бэрэстэбиитэллэригэр махтанна. Сүбэ мунньахтарга уопсайа 600-кэ көннөрүү көрүллүбүтэ. Айсен Николаев тыа хаһаайыстыбатын салаатын өйөөһүҥҥэ сыһыаннаах соруктар барыта учуоттаммыттарын бэлиэтээн эттэ.
«Төһө да кыһалҕалар үөскээтиннэр, биһиги сыллата тыа хаһаайыстыбатын салаатын өйөөн, үбүлээһин кээмэйин улаатыннара турабыт. 2023 сылга 14 млрд 200 мөл. солк. кэриҥэ тыа хаһаайыстыбатыгар көрүлүннэ. Бу билиҥҥи усулуобуйаҕа улахан ситиһии», – диэтэ Айсен Николаев.
Ил Дархан маны таһынан доруобуйа харыстабылын боппуруоһугар тохтоото. Айсен Николаев кэлиҥҥи үс сылга эрэгийиэҥҥэ Булгуччулаах мэдиссиинискэй страховкалааһын пуондатын бүддьүөтэ улааппытын иһитиннэрдэ. Кэлэр сылга үбүлээһин 2,5 млрд солк. улаатыахтаах.
Бүгүн Хаҥалас улууһун Покровскай куоратыгар икки ыйдаах ыраастааһын тэрээһинин уонна уу эбийиэктэрин харыстааһын чэрчитинэн субуотунньук…
Дьокуускай куорат 10-с №-дээх оскуолатын үөрэнээччилэрэ карате-киокусинкайга аан дойдутааҕы күрэхтэһиигэ кыттыахтара диэн СӨ Баһылыгын уонна…
Турция Өрөспүүбүлүкэтин киин куоратыгар Анкараҕа ыам ыйын 5 күнүгэр Кыайыы күнүн көрсө “Өлбөт үйэлээх полк”…
Бүгүн, ыам ыйын 6 күнүттэн, Саха сиригэр «Өлбөт үйэлээх полк» аахсыйа саҕаланна диэн СӨ Бырабыыталыстыбатын…
Бүтүн Арассыыйатааҕы "Тиэргэнинэн ыллыыбыт" аахсыйа чэрчитинэн, ыам ыйын 6 күнүгэр Дьокуускайга олорор сэрии бэтэрээннэрин эҕэрдэлээтилэр.…
Улуу Кыайыы 79 сылын туолар үөрүүлээх күнэ чугаһаан иһэр. Аҕыйах хонугунан Кыайыы күнүн, эйэлээх олох…