2030 сылга Арассыыйаҕа МРОТ 35 тыһыынча солкуобайга диэри үрдүөҕэ

2024 сыл тохсунньу 1 күнүттэн МРОТ 18,5 бырыһыанынан индексациялаабыттар, билигин ити 19242 солкуобайга тэҥнэһэр.

Арассыыйа экэниэмикэтэ нэһилиэнньэ дохуота үрдүүрүгэр сабыдыаллыахтаах. 2023 сылга дойдуга экэниэмикэ үүнүүтэ бэлиэтэммит. Владимир Путин Этиитигэр 2030 сылга хамнас төлөбүрүн алын кээмэйэ икки төгүл кэриҥэ, 35 тыһыынча солкуобайга диэри үрдүөхтээх диэн бэлиэтээтэ.

Судаарыстыба баһылыга Арассыыйа чугастааҕы кэмҥэ аан дойду түөрт бөдөҥ экэниэмикэтин иһигэр киириэ диэн эрэнэрин биллэрдэ.