32 кииһи көҥүлэ суох бултаан тутулунна…
06.02.2024, 11:10
Хаартыска: Ис дьыала министиэристибэтин пресс-сулууспата
Бөлөххө киир:
Өлүөхүмэ улууһугар 32 кииһи көҥүлэ суох бултаабыт киһини ДПС бэрэбиэркэтин кэмигэр туттулар. Бу туһунан Ис дьыала министиэристибэтин пресс-сулууспата иһитиннэрдэ.
Ол курдук ДПС иниспиэктэрдэрэ бэрэбиэркэ кэмигэр бураннаах киһини тохтоппуттар. Онуоха эр киһи тырааныспарыгар киис тириилэрэ баар эбит. 44 саастаах киһи күндү түүлээҕи бултааһыҥҥа көҥүлэ суох эрээри, икки хапкаанынан 32 кииһи бултаабыт. Хоромньу уопсай суумата 1,4 мөл. солк. ааҕыллар.
Полицейскайдар буранынан булчут үүтээнигэр тиийэннэр, эр киһи саатын уонна бултуур тэрилин ылбыттар.
Сокуону кэспит булчукка РФ Холуобунай кодексын 258 ыст. 2 чааһынан холуобунай дьыала көбүтүллүбүт.
+1
1
+1
2
+1
1
+1
+1
3
+1
+1
1
Сообщить об опечатке
Текст, который будет отправлен нашим редакторам: