https://www.magnific.com/
Бултаммыт кыыл олус улахан буолан, тыаттан таһаарарга тыраахтары туһаналларыгар тиийбиттэр. Оттон эһэни астыырга биир сууккаттан ордук кэм барбыт.
Новосибирскай уобалас булчута Виктор Саломатин уһун сыллаах булчут олоҕор саамай улахан эһэни бултаабытын туһунан сэргэх сонуну кытта үллэһиннэ.
Кини этэринэн, тайҕа хаһаайынын ыйааһына 600 киилэҕэ чугаһыыр. Виктор Саломатин бэлиэтииринэн, кинилэр уобаластарыгар 120-тэн 600 киилэҕэ тиийэ ыйааһыннаах эһэлэр бааллара биллэр. Үксүн тыһы эһэ 120–150 киилэ, оттон атыыра 200–300 киилэ буолар эбит. Ол эрээри, сороҕор 400–600 киилэҕэ тиийэр сүүнэ улахан кыыллар эмиэ түбэһэллэр диэн www.ohotniki.ru суруйар.
Бу рекорду олохтообут сүүнэ эһэни Виктор Саломатин Венгеровскай оройуоҥҥа бултаабыт. Күһүн саҥатыгар хас да буолан бииргэ бултуу тахсыбыттар. Бултааһын хас да хонукка салҕаммыт уонна хас да кыылы бултаабыттар.
Булчут сабаҕалыырынан, адьырҕа кыыл олус кырдьаҕас, сааһын сиппит атыыр тыатааҕы эбит. Маннык улахан кыылы биир буулдьанан тохтотор кыах суох буолан, хас да булчут көмөлөспүт. Өлбүт эһэ этэ-сиинэ олус ыарахан буолан, тыаттан таһаарарга тыраахтары туһаммыттар. Оттон астыыргаа биир сууккаттан ордук кэм наада буолбут.
Саха сиригэр быйылгы халаан уутун кэннэ чөлүгэр түһэрэр үлэлэр түмүгүн таһаардылар. Ону таһынан 2027 сыллааҕы…
Дьокуускайга командировкаҕа кэлэн үлэлии сылдьар Иркутскай уобалаһын олохтооҕуттан биир мөлүйүөн солк. тахса суумалаах харчытын уонна…
Өрөспүүбүлүкэ нэһилиэнньэлээх пууннара кыһыҥҥы суол аһыллыар диэри оттук-энергетика өттүнэн толору хааччылыннылар. Ол туһунан Ил Дархан…
Өлүөнэ өрүскэ муус туруон иннинэ муоста тутулла турар былаһааккатыгар өрүс флотун навигацията түмүктэннэ. Ааспыт сезон…
СӨ Үрдүкү Суута дьоҥҥо юридическай көмө оҥоробун диэн албыннаан харчы ылбыт юрист-урбаанньыт дьыалатын көрдө. Ол…
Хас биирдии сир, дойду бэйэтэ ураты тыыннаах. Архитектор сүрүн соруга — ол тыыны таба көрөн,…