Хаартыска: ЯСИА
Өрөспүүбүлүкэ нэһилиэнньэлээх пууннара кыһыҥҥы суол аһыллыар диэри оттук-энергетика өттүнэн толору хааччылыннылар. Ол туһунан Ил Дархан Айсен Николаев “Якутия, вперед” биэриигэ иһитиннэрдэ.
Бүгүҥҥү күннээҕи туругунан, хотугу сиргэ таһаҕаһы таһыы былааныгар көрүллүбүттэн 96% тириэрдилиннэ. Хаалбытын массыына кыһыҥҥы суолунан тириэрдии былааннанар.
Быйыл таһаҕаһы тириэрдиигэ ордук уустук балаһыанньа Индигиир өрүскэ бэлиэтэннэ. Урут таһаҕаһы тириэрдии кэмигэр ыарахан балаһыанньа үксүн Дьааҥы өрүскэ үөскүүр буоллаҕына, быйыл кыһалҕалар Индигирканы, ол иһигэр, Муома улууһун таарыйдылар.
Манна даҕатан эттэххэ, таһаҕас сорҕотун өрүһүнэн тириэрдииттэн кыһыҥҥы кэмҥэ көһөрүү туһунан быһаарыы куруук да ылыллар. Билигин сүрүн болҕомто кыһыҥҥы кэмҥэ таһаҕаһы тириэрдиигэ бэлэмнэниигэ ууруллар. Айсен Николаев эппитинэн, туһааннаах министиэристибэлэргэ таһаҕаһы тириэрдиини тэрийэргэ уонна наадалаах үбү хааччыйарга сорудахтанна.
Ураты болҕомто дьиэ-уот, хомунаалынай хаһаайыстыбаларга наадалаах ньиэби таһыыга ууруллуоҕа. Кыһыҥҥы суол арылыннаҕына, оттук толору кээмэйинэн тириэрдиллиэҕэ.
Айсен Николаев сүрүн соругунан Арктикаҕа уонна ыраах сытар нэһилиэнньэлээх пууннарга хаалбыт таһаҕаһы кэмигэр тириэрдиини хааччыйыыны, ону сэргэ кыһыҥҥы кэмҥэ олоҕу-дьаһаҕы хааччыйыы үлэтэ туруктаах буолуутун ааттаата.
СӨ Ил Дарханын уонна Бырабыыталыстыбатын пресс-сулууспата
Саха сиригэр быйылгы халаан уутун кэннэ чөлүгэр түһэрэр үлэлэр түмүгүн таһаардылар. Ону таһынан 2027 сыллааҕы…
Дьокуускайга командировкаҕа кэлэн үлэлии сылдьар Иркутскай уобалаһын олохтооҕуттан биир мөлүйүөн солк. тахса суумалаах харчытын уонна…
Бултаммыт кыыл олус улахан буолан, тыаттан таһаарарга тыраахтары туһаналларыгар тиийбиттэр. Оттон эһэни астыырга биир сууккаттан…
Өлүөнэ өрүскэ муус туруон иннинэ муоста тутулла турар былаһааккатыгар өрүс флотун навигацията түмүктэннэ. Ааспыт сезон…
СӨ Үрдүкү Суута дьоҥҥо юридическай көмө оҥоробун диэн албыннаан харчы ылбыт юрист-урбаанньыт дьыалатын көрдө. Ол…
Хас биирдии сир, дойду бэйэтэ ураты тыыннаах. Архитектор сүрүн соруга — ол тыыны таба көрөн,…