Айсен Николаев: «Ытык иэстэрин төлүүр биир дойдулаахтарбытынан киэн туттабыт»

Ил Дархан Айсен Николаев бүгүҥҥү быһа эпииригэр байыаннай дьайыыга кытта сылдьар биир дойдулаахтарбыт хорсун быһыыларын бэлиэтээтэ.

«Мин ис сүрэхпиттэн Саха сириттэн Арассыыйа Дьоруойа буолбут уонна ытык иэстэрин төлүү сылдьар бары байыастарбытынан киэн туттабын», – диэтэ Айсен Николаев.

Кини уолаттар Аҕа дойду көмүскэлигэр олус улахан дьыаланы оҥоро сылдьалларын бэлиэтиир.
«РФ Бэрэсидьиэнэ Владимир Путин байыастарга үрдүк сыанабылын билэллэр. Биһиги байыастарбыт Аҕа дойдуларын иннигэр кырдьык, дьоруойдуу, хорсун быһыыны оҥоро сылдьаллар диэн бэлиэтээн турар. Мин эрэнэбин, биһиэхэ өссө даҕаны дьоруойдар, саҥа кыайыылар баар буолуохтара, – диэтэ Айсен Николаев. – Саамай кылаабынайа, биһиги байыастарбыт кыайыы көтөллөөх дойдуларыгар түргэнник төннөллөрө наада».

Түмүккэ: «Саха сирэ дойду экэниэмикэтин сүрүн тирэҕинэн буолуохтаах. Тоҕо диэтэххэ, кыайыы тыылга эмиэ буолуохтаах», – диэн эттэ Ил Дархан.