Алдаҥҥа киһи өлүүлээх суол быһылаана таҕыста

Тохсунньу 8 күнүгэр Алдан оройуонугар киһи өлүүлээх суол быһылаана таҕыста. Бу туһунан Саха сиринээҕи Госавтоинспекция иһитиннэрэр. 

Барыллааһын быһыытынан, «Лена» федеральнай суол 643 км 25 саастаах суоппар «Тойота-Приус-Альфа» массыынаны ыытан иһэн утары балаһаҕа тахсан «Мазда-Аксела» мааркалаах массыынаны кытары харсыспыт.

Быһылаан түмүгэр «Мазда-Аксела» суоппара миэстэтигэр өлбүт. Кини 23 саастаах эбит. Онтон «Тойота-Приус-Альфа» суоппара уонна кинини кытары айаннаан испит 19 саастаах кыыс араас эчэйиини ылан Алдан балыыһатыгар киллэриллибиттэр.

Билиҥҥитэ быһылаан тула бэрэбиэркэ ыытыллар.