Алдаҥҥа уонна Нерюнгрига успуорт кыһыҥҥы көрүҥнэригэр V Спартакиада ыытыллар

Саха сиригэр успуорт кыһыҥҥы көрүҥнэригэр V Спартакиада финала Алдаҥҥа уонна Нерюнгрига кулун тутар 31 күнүгэр диэри ыытыллыаҕа.

Спартакиада уон көрүҥэр 2,5 тыһ тахса күүстээх спортсмен кыттара былааннанар. Финалга маннык көрүҥнэр киирбиттэрэ: хайыһар, хайыһарынан спортивнай ориентирование, биатлон, хоккей, шорт-трек, хайанан хайыһар успуорда, хотугу троеборье, сноуборд, хаҥкы, кыһыҥҥы многоборье.

Спартакиада финалыгар муниципальнай тэриллиилэр уонна куорат уокуруктарын хамаандалара кытталлар. Түөрт бөлөххө араарыы баар буолуоҕа.

Санатан эттэххэ, Саха сирин успуорт кыһыҥҥы көрүҥнэригэр V Спартакиада кулун тутар 31 күнүгэр диэри ыытыллар. Алдан уонна Нерюнгри куораттарга успуорт уон көрүҥэр кыргыттарга, уолаттарга, дьахталларга уонна эр дьоҥҥо чөмпүйүөннэр уонна призердар ааттара биллиэхтэрэ. Спартакиаданы үөрүүлээхтик аһыы бүгүн, кулун тутар 26 күнүгэр, оптуорунньукка күнүс 14:00 чаастан саҕаланар.