Алексей Колодезников Мэҥэ Хаҥалас, Чурапчы улуустарыгар күөх төлөнү киллэрии боппуруостарын ырытта

Чурапчы улууһугар «Сахатранснефтегаз» АУо салайааччыта Алексей Колодезников тэрилтэ эппиэттээх үлэһиттэрэ кыттыылаах сүбэ мунньаҕы ыытта. Мэҥэ Хаҥалас, Чурапчы улуустарыгар күөх төлөнү салгыы киллэрии туһунан кэпсэттилэр.

«Быйылгы сылга гаас ситимигэр Өлөчөйгө 107 ыал холбонуоҕа. Лоомтукаҕа сүрүн утах тиийиэҕэ,  Сыымахха уонна Хорообукка бырайыактыыр үлэ саҕаланна.

Аллараа Бэстээххэ, Майаҕа, Хараҕа элбэх оҕолоох ыалларга бэриллибит саҥа түөлбэлэри гааска холбооһуҥҥа үлэ салгыы  ыытыллыыт былааннаатыбыт. Ил Дархан Айсен Николаев туруорбут соруктарын олоххо киллэрэр биир бастыҥ үлэлээх тэрилтэбит дьон-сэргэ олоҕун таһыма үрдүүрүгэр быһаччы дьайар, киэҥ далааһыннаах үлэни ыытар. Ылыныллыбыт былааннар бар дьон үөрүүтүгэр олоххо киирэ турдунар», — диэн Мэҥэ Хаҥалас улууһун баһылыга Дмитрий Тихонов бэйэтин ТГ-ханаалыгар суруйда.