Алта киһи өлүүлээх суол саахалын буруйдааҕын түөрт сылга хаайыыга уураахтаатылар

Ааспыт сыл күһүнүгэр Амурскай уобалас Сковородинскай уокуругар буолбут иэдээннээх суол саахалыгар буруйдаах Саха сириттэн сылдьар суоппар түөрт сыл холуонньаҕа уураахтанна диэн СИА суруйар.

2023 сыл балаҕан ыйыгар Дьокуускайтан Улан-Удэҕа диэри айаннаабыт «Toyota Lite Ace Noah» массыына таһаҕас тиэйэр массыынаҕа кэтиллэн, суол анараа өттүгэр быраҕыллан өссө биирдэ улахан массыынаҕа саайыллыбыта. Онно олорсон испит биэс дьахтар тута өлбүттэрэ, алтыс дьахтар балыыһаҕа тыына быстыбыта. Суоппар мэйиитэ доргуйбута уонна араас эчэйиилэри ылбыта.

Сковородино оройуоннааҕы суута массыына суоппарын суол быраабылатын кэһэн, икки киһиттэн элбэх өлүүлээх саахалга буруйдааҕынан биллэрдэ уонна түөрт сыл холуонньаҕа буруйун боруостуурун туһунан уурааҕы таһаарда. Ол эрэн, суут быһаарыыта буруйдаах сааһын ситэ илик оҕото 14 сааһын ситэригэр диэри көһөрүлүннэ.