Анаабырга күнү көрүстүлэр

Анаабыр улууһун Сааскылаах бөһүөлэгэр сыл ахсын үтүө үгэскэ кубулуйбут күнү көрсүү тэрээһинэ буолла.

Тэрээһин үөрүүлээх быһыыга-майгыга аал уоту оттон алгыс тылы этииттэн саҕаланна. Бу сиэри-туому Гавриил Толбонов толордо. Уһун хараҥа кыһын кэнниттэн хоту сир олохтоохторугар күн тахсыыта үөрүүлээх түгэн буолар. Күн тахсыытын көрсүү Анаабыр олохтоохторугар өрүү олус сэргэхтик уонна тэрээһиннээхтик ыытыллар. Бүтүн бөһүөлэгинэн саҕахтан тахсар кыһыл күн саас кэлиитин үөрүүтэ буолар.