Үрүҥ Хайа оҕолоро субуотунньуктаатылар

Анаабыр оройуонугар Үрүҥ Хайаҕа оҕолор нэһилиэк олохтоохторугар хаар күрдьэн көмөлөстүлэр.

Ол курдук, кинилэр байыаннай дьайыы кыттыылаахтарын дьиэ кэргэттэрин тиэргэннэригэр хаары күрдьэн биэрдилэр. Кэлиҥҥи кэмҥэ хоту улуустарга хаар халыҥнык түһэн, ону таһынан тибэн кэбиһэр буолан хаамар да сир суох буолар. Суолу-ииһи хомунаалынай сулууспалар ыраастыыр, көрө-истэр буоллахтарына, ыаллар дьиэлэрин таһын бэйэлэрэ көрүнэллэр. Маны сэргэ, оҕолор ыалларга дьиэ ис-тас үлэтигэр, хаһаайыстыбаҕа эмиэ көмөлөһөн абыраабыттар.