«Азия оҕолоро» оонньууларга 30 дойдуттан кыттыахтара

Бүгүн, кулун тутар 20  күнүгэр,  13:00 чаастан Ил Дархан  Айсен Николаев «Россия 24» телеханаалга  ГТРК «Саха»  «Прямой разговор»   биэриитигэр кытынна.

Ил Дархан Айсен Николаев быйыл сайын ыытыллар «Азия оҕолоро» норуоттар икки ардыларынааҕы спортивнай оонньуулар тустарынан кэпсээтэ.

Бэҕэһээ «Азия оҕолоро» VIII успуорт оонньууларын уотун уматыы сиэрэ-туома Өлүөнэ очуостарын тэллэҕэр буолбута. «Легенды хоккея» уонна «Якутия сборная» хамаандалар хоккейга «Лига мамонта» доҕордоһуу матчтара ыытыллан, үгүс дьон интэриэһин тарпыта. 10 Олимпийскай чөмпүйүөн кыттыбыта.

Бүгүн, кулун тутар 20 күнүттэн, оонньуулар уоттарын эстэпиэтэтэ «Азия оҕолоро» оонньуулары төрүттээччи, СӨ Бастакы Бэрэсидьиэнэ Михаил Николаев төрөөбүт Хаҥалас улууһуттан саҕаланна диэн Айсен Николаев кэпсээтэ.