Байыастарга  бырааһынньыктааҕы бэлэхтэр тиэрдилиннилэр

Ыам ыйын 7-8 күннэригэр ДНӨ Саха сирин тирэх пууннарын байыастара Ил Дархан ыыппыт бэлэхтэрдээх фургоннары көрүстүлэр.

Ол туһунан ДНӨ Биир кэлим сүрүннүүр киин  бэрэстэбиитэлэ Олег Саранцев иһитиннэрдэ.

Бырааһынньыктааҕы бородуукта нобуорун улахан аҥаарын байыаннай эпэрээссийэҕэ сылдьар байыаннай сулууспалаахтарга чопчу Кыайыы күнүгэр  тириэртилэр.

«Байыаннай сулууспалаахтар Саха сирин амтаннаах аһылыктаах бэлэхтэригэр  олус үөрдүлэр уонна Ил Дархаҥҥа, өрөспүүбүлүкэ олохтоохторугар көмөлөрүн, өйөбүллэрин иһин махтаннылар”, — диэтэ Олег Саранцев.

Кини эппитинэн, өрөспүүбүлүкэ тирэх пууннара  байыастарга бэлэхтэри түргэнник тириэрдэргэ кыһаллаллар,  онуоха улахан көмөнү Саха сирин улуустарын дэлэгээссийэлэрэ оҥороллор.