Балаҕан ыйын 20 күнүттэн Саха сиригэр илиминэн балыктыыр бобуллар

Саха сиригэр балаҕан ыйын 20 күнүттэн алтынньы 20 күнүгэр диэри любительскай балыктааһынынан дьарыктанар дьоҥҥо илимниир бобуллуоҕа. Арай, собоҕо бобуллубат. Бу балыгы ыам ыйын 15 күнүттэн бэс ыйын 15 күнүгэр диэри илимниир бобуллар. Бу туһунан СӨ Экологияҕа министиэристибэтэ иһитиннэрэр.

Бобуу балык ыамын кытта сибээстэнэр. Бу ыйыллыбыт кэмҥэ Алдан, Амма, Үөһээ Бүлүү, Үөһээ Халыма, Дьааҥы, Бүлүү, Горнай, Кэбээйи, Ленскэй, Мэҥэ Хаҥалас, Мииринэй, Муома, Нам, Нерюнгри, Ньурба, Өймөкөөн, Өлүөхүмэ, Сунтаар, Таатта, Томпо, Уус Алдан, Уус Маайа, Хаҥалас, Чурапчы, Эбээн Бытантай улуустарыгар уонна Дьокуускайга илимниир бобуллар.

Итиэннэ балаҕан ыйын 20 күнүтэн алтынньы 25 күнүгэр диэри балытаах күөллэринэн, өрүстэринэн, уу хранилищеларынан уонна боротуокаларынан мотуордаах оҥочолорунан устар көҥүллэммэт. Анал көҥүллээхтэр эрэ сылдьыахтара.