Балаҕан ыйын 24 күнүгэр Айсен Николаевтыын «Быһа лииньийэ» ыытыллыаҕа

Саха Өрөспүүбүлүкэтин Судаарыстыбаннаһын күнүн көрсө балаҕан ыйын 24 күнүгэр 19:00 чаастан Ил Дархан Айсен Николаевы кытта «Быһа лииньийэ» ыытыллыаҕа. СӨ Баһылыгар баҕалаахтар ыйытыыларын биэриэхтэрэ.

Ыйытыылары СӨ Эрэгийиэни салайар киинэ хомуйан саҕалаата, 8 (4112) 506-006 нүөмэр суукканы эргиччи үлэлиир. Итиэннэ телеграмҥа @voprosGlaveYakutii_bot чат-бот нөҥүө эмиэ ыытыахха сөп.

Айсен Николаев эпиир кэмигэр ыйытыларга хоруйдуоҕа, оттон хаалбыт ыйытыыларга чугаһынан кэмҥэ хайаатар даҕаны хоруйдары ыытыахтара.

Быһа эпиир «Саха» НКИХ, «Якутия 24», «Россия 24» ханаалларга көстүөҕэ, «Тэтим», «Радио России», «Виктория Саха», «СТВ-радио» араадьыйаларга иһиллиэҕэ. Маны таһынан Айсен Николаев социальнай ситимнэригэр трансляцияланыаҕа:

Телеграм: https://t.me/aisen_nikolaev

Вконтакте: https://vk.com/aisennikolaev14

Одноклассники: https://m.ok.ru/profile/576618790554

Рутуб: https://rutube.ru/channel/25540354/