Бастыҥ бырайыагы талар иһин куоластааһын муус устар 30 күнүгэр диэри ыытыллар

«Олорор дьиэ-уот уонна куорат эйгэтэ» диэн национальнай бырайыак чэрчитинэн уопсастыбаннай сирдэри-уоттары тупсарыыга дизайн-бырайыактары талар куоластааһын буолуоҕа. Куоластааһын бу сыл кулун тутар 15 күнүттэн муус устар 30 күнүгэр диэри ыытыллар.

Куоластааһыҥҥа кыттыан баҕалаахтар 14.gorodsreda.ru саайты сиһилии көрүҥ. Манна 2025 сылга тупсарыллыахтаах сир-уот тула куоластааһын барыаҕа. 20 000-тан итэҕэһэ суох нэһилиэнньэлээх муниципальнай тэриллиилэр олохтоохторо кыттыахтара. Куоластааччы 14 сааһын туолбут буолуохтаах.

Ааспыт сыл дааннайынан, 2019 сылтан саҕалаан бу бырайыак көмөтүнэн 55 тыһыынчаттан тахса эбийиэк тупсарыллан оҥоһуллубут.

Бырайыагы РФ Бэрэсидьиэнэ Владимир Путин көҕүлээбитэ.