Бөрөлөөххө  ыаллар ааннарын буурҕа тибэр

Аллайыахаҕа буурҕа түһэн, олоххо-дьаһахха кэккэ уустуктары үөскэппитэ чахчы. Ааспыт субуотатааҕы сөмөлүөт рейсэ тардыллыбыта. Ону ааһан улуус нэһилиэктэригэр тиийэр суолу типтэ.

Холобура, кытыы сытар Бөрөлөөххө суолу оҥорооччулар кыһыҥҥы суолу хаттаан астарыахтарын наада буолбут. Бу иннинэ оҥоһуллубут суолларын  буурҕа бүрүйбүт.

Тибиилээх өттүгэр дьиэлэрин аана баар ыаллары буурҕа типтэҕинэ, маннык ыалларга олохтоохтор кэлэн ааннарын хаһан биэрэллэр эбит. Итинник күҥҥэ хаста даҕаны кэлэн көмөлөһөллөр. Онон, хоту дойду олоҕо итинник түгэннэртэн турар.

Хата, “Якутоптторг”  тэрилтэ аһы-үөлү эрдэттэн хааччыйбыта маннык буурҕалаах кэмнэргэ туһалаах буолбут. Манна баар эргиэн «туочукатыгар» бурдук, саахар, чэй, атын наадалаах бородуукта баар.