Бэс Күөлүгэр элбэх хайысхалаах киин дьэндэйиэ (ВИДЕО)

Бүгүн Горнай улууһун Бэс Күөлүн олохтоохторугар умнуллубат бэлиэ күн үүннэ.

Манна элбэх хайысхалаах киини тутуу үлэтэ саҕаланна. Бүгүн тутуу бастакы атаҕа түһэрилиннэ. Үөрүүлээх күҥҥэ ыраахтан, чугастан дьон-сэргэ тоҕуоруста. Санааларын үллэһиннилэр, махталларын тиэртилэр.

Арассыыйа Борокуратууратын Бочуоттаах үлэһитэ, РФ үтүөлээх юриһа Макар Яковлев:

-Мин манна төрөөбүтүм, улааппытым. Бу эбийиэк тутулларын 13 сыл күүттүбүт. Манна Арссыыйа уонна Саха Өрөспүүбүлүкэтин салалталара болҕомтолорун уурбуттара олус үчүгэй. Саҥа киин чөл, чэгиэн олох, дойдуга бэриниилээх буолуу бигэ тирэҕинэн буолуо., — диэн үөрүүтүн үллэһиннэ.

Сиһилии манна көрүҥ.