Покровскай куоракка Өлүөнэ кытылын ыраастаатылар

Бүгүн Хаҥалас улууһун Покровскай куоратыгар икки ыйдаах ыраастааһын тэрээһинин уонна уу эбийиэктэрин харыстааһын чэрчитинэн субуотунньук тэрилиннэ.

Экология министиэристибэтин Хаҥаластааҕы экологическай кэтээн көрүү судаарыстыбаннай иниспиэксийэтин госиниспиэктэрдэрэ Покровскай куорат дьаһалтатын, «Хангаласский Газстрой» тэрилтэ үлэһиттэрэ уонна куорат олохтоохторо «Селекционнай» түөлбэ Өлүөнэ өрүс өттүнээҕи учаастагын ыраастаатылар.

Ырааһырдыы үлэтигэр 22 киһи кытынна уонна 14 куул бөх-сах хомуллан полигоҥҥа таһылынна. Экологическай субуотунньуктарга олохтоохтор көхтөөх кыттыылара төрөөбүт оройуоннара сайдарыгар төһүү буолар диэн СӨ Экологияҕа министиэристибэтин пресс-сулууспата иһитиннэрэр.