Биир кэлим куоластааһын күнүгэр бэлэмнэнии саҕаланна

Бүгүн СӨ Баһылыгын уонна Бырабыыталыстыбатын дьаһалтатын салайааччыта Георгий Михайлов муниципальнай оройуоннар уонна куораттааҕы уокуруктар баһылыктарын кытары 2024 сылга биир кэлим куоластааһын күнүн бэлэмнээһиҥҥэ уонна тэрийиигэ мунньаҕы ыытта.

Саха сиринээҕи Киин быбардыыр хамыыһыйа бэрэссэдээтэлэ Евгений Федоров мунньахха тыл этэригэр быыбар хамыыһыйаларыгар көмөҕө, быыбар аһаҕастык уонна дьэҥкэтик барарын хааччыйыыга ураты болҕомтотун уурда.

Санатан эттэххэ, балаҕан ыйын 8 күнүгэр Халыма-Индигиир биир мандааттаах быыбардыыр уокуругар норуот дьокутаатын хоһуттан талыыны таһынан, 78 муниципальнай быыбар хампаанньата ыытыллыаҕа.
Быыбардарга өрөспүүбүлүкэ 28 улууһугар уонна «Жатай» куораттааҕы уокурукка уопсайа 22 территориятааҕы быыбардыыр хамыыһыйа уонна 186 учаастактааҕы быыбардыыр хамыыһыйа чилиэннэрэ үлэлиэхтэрэ.

Билиҥҥитэ хандьыдааттары туруоруу түһүмэҕэ ыытылла турар диэн СӨ Киин быыбардыыр хамыыһыйа иһитиннэрэр.