Билбэт киһитигэр каартатын биэрэн баран умнубут

Өймөкөөн улууһун ИДьМ салаатыгар Магадан уобалаһын оробуочайыттан үҥсүү киирбит. Эр киһи үҥсүүтүгэр кини баан каартатыттан 270 тыһыынча сүппүтүн туһунан иһитиннэрбит.

Ол эрээри, кини каартатын ханна, хайдах сүтэрбитин өйдөөбөт эбит. Суһал көрдөөһүн түмүгүнэн, Өймөкөөн улууһугар холуобунай ирдэбил үлэһиттэрэ Уус Ньараҕа олорор Курскай уобаластан төрүттээх 53 саастаах уорбаланааччыны туппуттар. Онно биллибитинэн, күһүн эр дьон балаҕан ыйыгар көрсүбүттэр. Эмсэҕэлээччи Өймөкөөн оройунугар баар кэмигэр билбэт киһитигэр баан каартатын туттаран баран арыгы ыллара ыыппыт. Уопсай бырааһынньык кэмигэр каартатын ыларын умнан кэбиспит уонна Өймөкөөн оройуонуттан ол курдук барбыт. Уһун кэм устата уорбаланааччы атын киһи каартатын туһана сылдьыбыт. Ол курдук, харчы эмсэҕэлээччигэ төннөрүллүбэтэх. Арассыыйа Федерациятын холуобунай кодексатын 158 ыст 3 ч. «Уоруу» диэн холуобунай дьыала тэриллибитин туһунан ИДьМ пресс-сулууспата иһитиннэрэр.