ДСК оройуонугар маҕаһыын каассатын халаатылар

ИДьМ пресс-сулууспата иһитиннэрбитинэн, Дьокуускай куорат 1-кы №-дээх полиция салаатыгар урбаанньыттан киин куорат ДСК оройуонун Буойунускай уулуссаҕа баар маҕаһыын каассатыттан харчы сүппүтүн туһунан үҥсүү киирбит.

Суһал-көрдүүр үлэлэр түмүктэринэн эрдэ сууттана сылдьыбыт 20 cаастаах уорбаланааччыны туппуттар. Онно биллибитинэн, уорбаланааччы түүннэри-күнүстэри үлэлиир маҕаһыыҥҥа атыыһытынан киирбит. Түүн үлэлии олорон арыгы испит, ол кэннэ каассаттан 7 тыһ.солк. уорбут.

Арассыыйа Федерациятын Холуобунай Кодексатын 160 ыст.1 ч. «Атын киһи харчытын иҥэринии иһин» холуобунай дьыала тэриллиннэ.