Хаартыска: ЯСИА
Саха сиригэр саҥа уһуйааннары тутуу уонна саҥардыы салҕанар. Ураты болҕомто муниципальнай улуустарга оскуола иннинээҕи саастаах оҕолор инфраструктураларын сайыннарыыга, эргэ дьиэлэри уларытыыга уонна оҕолору иитиигэ, үөрэтиигэ аныгы усулуобуйаны тэрийииигэ ууруллар. Үлэ федеральнай өйөбүлүнэн, ол иһигэр РФ бэрэсидьиэнэ Владимир Путин көҕүлүүр “Дьиэ кэргэн” национальнай бырайыак чэрчитинэн ыытыллар.
2019 сылтан өрөспүүбүлүкэҕэ араас үбүлээһин суотугар 7 174 миэстэлээх 61 оҕо уһуйаана үлэҕэ киллэрилиннэ. Саҥа тэрилтэлэр Дьокуускай куоракка уонна тыа сирин нэһилиэнньэлээх пууннарыгар арыллаллар. Бу тэрилтэлэр аныгы тэриллэринэн, успуорт уонна муусука саалаларынан, сайыннарар дьарыктар уонна эбии үөрэхтээһин кэбиниэттэринэн сэбилэммиттэр.
Федеральнай өйөбүл кэнники холобурдарыттан биирдэстэринэн 2026 сыллаахха алтынньыга Горнай улууһун Бэрдьигэстээх сэлиэнньэтигэр Х.К.Татаринова аатынан 8 нүөмэрдээх “Сардаана” уһуйаан арыллыыта буолла.
Уус Алдан улууһугар алтынньыга Майаҕас сэлиэнньэтигэр олохтоох өрөмүөн кэнниттэн 14 нүөмэрдээх оҕо уһуйаана үлэтин сөргүттэ. Дьокуускай куоракка 5 нүөмэрдээх “Радуга” муниципальнай оҕо уһуйаана уонна 8 нүөмэрдээх “Родничок” уһуйаан олохтоохтук өрөмүөннэннилэр. Нам улууһун Кириэс Кытыл сэлиэнньэтигэр 240 миэстэлээх “Тускул” оҕо уһуйаана үлэлиир. Манна успуорт уонна муусука саалалара, көмпүүтэр кылааһа, логопед уонна психолог кэбиниэттэрэ бааллар.
Чурапчы сэлиэнньэтигэр Мурун-Тымпыйа микрооройуонугар 75 миэстэлээх оҕо уһуйаана тутуллар.
Киин куоракка сайдыы эмиэ салҕанар. Дьокуускай куорат 2030 сылга диэри маастар-былаанын быһыытынан, 2030 сылга диэри 14 саҥа оҕо уһуйаанын тутуу көрүллэр. Чуолаан, “Звезднай” микроройуоҥҥа 240 миэстэлээх уһуйаан тутуллар, 2027 сылга үлэҕэ киллэриллиэхтээх. Ону сэргэ бу микрооройуоҥҥа 315 миэстэлээх оҕо уһуйаана тутуллар. Оҕо уһуйааннара куорат атын да оройуоннарыгар эмиэ тутуллуохтара.
СӨ Ил Дарханын уонна Бырабыыталыстыбатын пресс-сулууспата
Ахсынньы 9 күнүгэр диэри Арассыыйа 45 эрэгийиэнигэр Бүтүн Арассыыйатааҕы патриотическай пуорум эрэгийиэннээҕи бырагыраамата ыытылла турар.…
«Мин доруобуйам туругунан (уопсай ыарыынан) быраас түмүгүнэн хамнаһа кыра атын үлэҕэ көһөрөллөрүгэр сөбүлэстим. Үлэ биэрээччи:…
Өрөспүүбүлүкэтээҕи суһал ыстаап анал байыаннай дьайыыга сылдьар Саха сирин байыаннайдарын эбии тэрилинэн хааччыйар үлэтин былаан…
Алтынньы 27 күнүгэр киэһэ 19:41 чааска Бүлүү улууһун Кыһыл Сыыр бөһүөлэгэр Пионерскай уулуссаҕа чааһынай гараас…
Саха сирин Ил Дархана Айсен Николаев Наука академиятын Төрөөбүт тылы үөрэтэр, харыстыыр уонна сайыннарар киинин…
Саха сиригэр социальнай суолталаах табаары сылы быһа хааччыйар улахан оператор, «Арктикатааҕы эргиэн-логистика хампаанньата” АУо бүтэһик…