Салгыы
ДЬАХТАР САТААБАТА СУОХ: БУЛЧУТ ДАЛБАР ХОТУН

ДЬАХТАР САТААБАТА СУОХ: БУЛЧУТ ДАЛБАР ХОТУН

08.03.2024, 13:15
Л.Львова тус архыыбыттан
Бөлөххө киир:

Эдьигээн национальнай эбэҥки оройуона урут-уруккуттан ураты айылҕалаах, эй­­гэлээх, бултаах-алтаах, туруу үлэһитинэн аатырар сиринэн биллэр. Бу улууска кыралыын-улаханныын, эр киһи­лиин-дьахтардыын бары булдунан утумнаахтык дьарыктаналлар.

Элбэх оҕолоох дьиэ кэргэн хаһаайката Лена Львова Эдьигээҥҥэ баһаарынай чааска диспиэччэринэн үлэлиир, түөрт оҕотун көрөрүн-иитэрин быыһыгар, иллэҥ кэм көһүннэ эрэ бултуур-балыктыыр ураты дьарыктаах.  Уоппускатын кэмигэр, саас, сайын, күһүн кустуур дьарыктаах. Ленаны бултуурга бастаан кэргэнэ Петр уһуйбут. Онтон сааҕа көҥүл ылан, билигин мас көтөрүгэр, куска бэйэтэ сылдьар. Үксүн саас эр дьону кытары тэҥҥэ «кус абылаҥар» ылларар, булчут хаана оонньоон барар эбит.

«Көҥүл ылан баран тута «Stoeger» саа ылыммытым, онтон ыла кустуубун, андылыыбын, күһүн мас көтөрүн ытабын. Кус ураты туспа абылаҥнаах, сезон буол­ла даҕаны өрө мөхсө түһэбит. Улахан булка өссө бара иликпин. Мантан инньэ көстөн иһиэ буол­лаҕа. Кэргэммин кытары биир сиргэ үлэ­лиир буоламмыт, биир интэриэстээхпит. Өссө биир сөбүлүүр дьарыгым балык­тааһын. Кус сезонунан бултанар буолан, үксүн балыктыыбын. Күһүн сэтинньигэ күндүөбэйдиибит, сайын күөгүнэн, күһүн, кыһын, саас мормышканан муус аннынан балык­тыыбыт, көҥүллээх кэмҥэ илимниибит. Бу соторутааҕыта аны чуучала оҥорорго үөрэммитим. Онон кыра-кыралаан булпунан чуучала оҥорон саҕа­лаатым. Сыыйа барыта сатанан иһиэҕэ дии саныыбын», – диэн хоту дойду хоһуун кыыһа Лена са­­наатын үллэстэр.

+1
12
+1
2
+1
2
+1
0
+1
1
+1
0
+1
1
Бары сонуннар
Салгыы
16 июля
  • 22°C
  • Ощущается: 22°Влажность: 68% Скорость ветра: 3 м/с

Сообщить об опечатке

Текст, который будет отправлен нашим редакторам: