Бүлүү оройуонугар эр киһи өрүс кытылыгар сураҕа суох сүппүт

Бэнидиэнньиккэ, ыам ыйын 19 күнүгэр, Бүлүү оройуонун ЕДДС сулууспатыгар Бүлүү өрүс кытылыгар киһи сураҕа суох сүппүтүн туһунан тыллаабыттар.

Өрүс кытылыгар массыыната эрэ турара булуллубут. Бу туһунан Саха сирин Быыһыыр сулууспата иһитиннэрэр. Эр киһи дьиэтиттэн өрөбүлгэ, ыам ыйын 18 күнүгэр, тахсан барбытын быһаардылар.

Сүппүт эр киһини көрдөөн, билигин полиция алта үлэһитэ үлэлиир. Балаһыанньа Быыһыыр сулууспа хонтуруолугар ылылынна.