Бүлүүгэ ойууру уоттаабыт эр киһи 100 тыһ. солк. төлүөҕэ

СӨ Борокуратуурата иһитиннэрэринэн, Бүлүү оройуонугар ойуур баһаарын ыыппыт эр киһи тахсыбыт хоромньуну толуйарыгар суут эбээһинэстээбит.

2024 сыллаахха Бүлүү лесничествотын территориятыгар 1,5 га иэннээх баһаар барбыт. Олохтоох киһи сэрэҕэ суох буолуутуттан уот барбыт диэн быһаарбыттар.

Буруйданааччы административнай эбээһинэскэ тардыллыбыт, ол эрээри баһаары умуруоруу ороскуотун бэйэтин баҕатынан уйумматах. Онон сибээстээн оройуон борокуратуурата баһаары бохсууга ыытыллыбыт үбү толуйарыгар суукка үҥсүбүт.

Суут эр киһи 100 тыһ.солк. төлүүрүгэр эбээһинэстээбит.