Чурапчыга өрөспүүбүлүкэҕэ бастакынан дьиэ кэргэн МФЦ-та аһылынна

Бүгүн, тохсунньу 30 күнүгэр, Чурапчы сэлиэнньэтигэр Саха сиригэр бастакынан уонна Уһук Илиҥҥэ иккиһинэн дьиэ кэргэн элбэх функциялаах киинин астылар. Бу туһунан Ил Дархан Айсен Николаев телеграм-ханаалыгар иһитиннэрдэ.

«Дойду бэрэсидьиэнэ Владимир Путин Арассыыйаҕа биллэрбит Дьиэ кэргэн сылыгар, Саха сиригэр биллэриллибит Оҕо сылыгар, Чурапчыга биллэриллибит дьиэ кэргэни өйөөһүн сылыгар бу бэлиэ түгэн буолла», — диэн Айсен Николаев бэлиэтиир.

Саҥа МФЦ үс этээстээх, манна олоххо уустук балаһыанньаҕа түбэспит дьиэ кэргэни өйүүргэ барыта баар. Чурапчы олохтоохторо оҕо үөрэҕиттэн саҕалаан үлэ буларга тиийэ кииҥҥэ ыйыталаһа кэлиэхтэрин сөп.