“Далбар Хотун-2024” – Саргылаана Рожина

Бэҕэһээ, муус устар 21 күнүгэр, “Далбар Хотун” 14-с өрөспүүбүлүкэтээҕи күрэһэ буолан ааста.

Бу туһунан «Далбар Хотун» сурунаал ТГ-ханаалыгар суруйдулар. Быйыл күрэххэ Саха сирин араас улуустарыттан тоҕус Далбар хотуна кытынна. Чемезова Снежана Сергеевна, Горнай улууһун Мытаах нэһилиэгэ, Саввинова Марианна Афанасьевна, Үөһээ  Бүлүү улууһун Тамалакаан нэһилиэгэ, Рожина Марианна Дмитриевна, Нам улууһун Хатыҥ-Арыы нэһилиэгэ, Винокурова Ирина Христофоровна, Өймөкөөн улууһун Үчүгэй нэһилиэгэ, Рожина Саргылана Афанасьевна,  Амма  улууһун Амма нэһилиэгэ, Уваровская Акулина Александровна, Хаҥалас улууһун Ой нэһилиэгэ, Сивцева Яна Ивановна, Чурапчы улууһун Чурапчы нэһилиэгэ, Федорова Парасковья Степановна, Бүлүү улууһун Бороҕон нэһилиэгэ, Антонова Валентина Саввична, Ньурба улууһун Чаппанда нэһилиэгэ.

Түмүккэ Саха сирин норуодунай бэйиэтэ Наталья Харлампьева салайааччылаах дьүүллүүр сүбэ быһаарыытынан «ДАЛБАР ХОТУН – 2024» үрдүк аат Саргылаана Рожинаҕа иҥэрилиннэ.

Бары кыттыбыт далбардар араас номинациялар хаһаайкаларынан буоллулар уонна сыаналаах бириистэри туттулар.