«Демография»  национальнай бырайыак олоххо киллэриллэр

Саха Өрөспүүбүлүкэтигэр 2023 сылга “Демография”  национальнай бырайыак  дьаһалларын олоххо киллэрии чэрчитинэн,  федеральнай субсидияны биэриигэ чааһынай тэрилтэлэр уонна биирдиилээн урбаанньыттар куонкурустарыгар эбии сүүмэрдээһин түмүктэннэ.

Сүүмэрдээһин түмүгүнэн,  Дьокуускай куорат  дьоҕус уонна орто предпринимательство өссө 18 субъега  1,5-3 саастаах оҕолорго эбии 96 миэстэни таһаарарыгар  11 мөл. солк. бэриллиэҕэ. Чааһынай уһуйааннар ылбыт үптэрин-харчыларын  саҥа бөлөхтөрү материальнай-тиэхиньиичэскэй өттүнэн хааччыйарга, кырачааннары үөрэтэргэ уонна иитэргэ наадалаах тэриллэри атыылаһарга тутталлар.

Саха Өрөспүүбүлүкэтигэр “Демография” национальнай  бырайыак чэрчитинэн, 2023 сылга чааһынай оҕо уһуйааннарыгар 1,5-3 саастаах кырачааннарга 396 эбии миэстэ көрүллүөҕэ. Бу 2023 сылга Саха сиригэр оскуола иннинээҕи саастаах оҕолор 100 бырыһыаннара уһуйааннарга сылдьарыгар көмөлөһүөҕэ.