Дьиэ кэргэнинэн кэлэн куоластааччы элбээтэ

Өрөспүүбүлүкэ олохтоохторо быыбарга дьиэ кэргэнинэн кэлэн куоластыыллар.  Ол курдук бу   күннэргэ  ыалынан кэлэн куоластыылларын элбэхтик көрдүбүт.

– Үгүс дьон оҕолорун илдьэ кэлэн быыбарга кытыннылар.  Иккиһинэн, быыбарга национальнай таҥаһынан кэлэн кыттар үгэстэннилэр.  Эр дьон эмиэ национальнай таҥастарын хото кэтэр буоллулар, – диэн уопсастыбаннай кэтээн көрүү киинин чилиэнэ  Альбина Черепанова этэр.

Политолог, Үрдүкү экэнэмиичэскэй оскуола бэрэпиэссэрэ Марат Баширов Уһук Илин уокурукка рекордка баран эрэрин бэлиэтиир.

– Илиҥҥи территорияҕа куоластааһын хайдах барара дойдуга улахан суолталаах.  Уһук Илиҥҥи Федеральнай уокурук атыттарга тэтими биэрэр. Онон быыбарга кыттыыларынан рекордка баран  эрэллэр, — диэн  Баширов санаатын үллэстэр.