Дойду сүрүн быыбарыгар куоластааһын бастакы күнүгэр диэри үс күн хаалла

Кулун тутар 11 күнүгэр, ол аата бүгүн, ханна тиийбиккинэн куоластыырга испииһэккэ киллэрэргэ сайабылыанньаны ылыы бүтэн эрэр.

Эмиэ бүгүн, кулун тутар 11 күнүн 18:00 ч. диэри, Территориятааҕы быыбардыыр хамыыһыйаҕа кэтээн көрөөччү быһыытынан киирэргэ сайабылыанньалары биэрии эмиэ түмүктэнэр.

Кулун тутар 11 күнүн 18:00 ч. диэри Иһитиннэрэр-көрдөрөр сириэстибэлэр бэрэстэбиитэллэрин аккредитациялааһыҥҥа сайаапкалары ылыы эмиэ тохтуур.

Кулун тутар 17 күнүн, 14.00 ч. диэри Учаастактааҕы быыбардыыр хамыыһыйаларга дьиэҕэ куоластааһыҥҥа сайабылыанньалары ылыы барыаҕа.

Кулун тутар 10 күнүнээҕи туругунан Саха сиригэр ыраах сытар, мөлтөх суоллаах-иистээх сирдэргэ болдьох иннинээҕи куоластааһыҥҥа 6806 быыбардааччы кытынна.